Nyheter

Utsmykkingsfondet for offentlege bygg har endra namn

Utsmykkingsfondet for offentlige bygg har endra namn til Kunst i offentlege rom.

Jørn Mortensen, informasjonsrådgjevar 13. juni 2007
Ny nettstad

I løpet av juni åpnar Kunst i offentlege rom ny nettstad, www.koro.no, som vil erstatte noverande www.utsmykkingsfondet.no.
Etter å ha produsert kunst for offentlege miljø sidan 1977 har verksemda sett det naudsynt å oppdatere namnet slik at det i større grad samsvarar med verksemdas praksis. Da vi ikkje lengre berre lagar utsmykkingar, ikkje er eit fond og i tillegg lagar kunst for andre samanhengar enn offentlege bygg, var behovet for ei oppdatering av namnet aukande.

Kunst laga for offentlege rom er eit kulturpolitisk satsingsområde for Kultur- og kyrkjedepartementet, og som statens fagorgan vil Kunst i offentlege rom arbeide for å auke kunnskapen om og kjennskapen til kunst som inngår i samanhengar med arkitektur, uterom samt by- og stadutvikling.

Namnet på bokmål er Kunst i offentlige rom. Namnet på engelsk er Public Art Norway.