Nyheter
Nils Marstein slått til riddar
Tidlegare riksantikvar Nils Marstein er utnemnt til Riddar av 1. klasse av Den Kongelege Norske St. Olavs Orden.
5. august 2011
Utmerkinga fann stad hos Riksantikvaren i Dronningens gate 13 i Oslo måndag 27. juni, med kansellisjef Anders Flågen som representant for Hans Majestet Kongen.
Nils Marstein tok diplom som arkitekt ved NTH i 1974 og byrja som antikvar hos Riksantikvaren i 1979. Han vart sjølv riksantikvar i 1995, og heldt fram i stillinga til 2009. No er han slått til riddar for innsatsen sin for norsk kulturvern.
St. Olavs Orden vart oppretta av Kong Oscar i 1847 og blir gitt for «utmerkede fortjenester» for fedrelandet og menneskeheta.